Meri Udaan

આજે લાગી મારી જિંદગી  મને અમૂલ્ય , થયો મારો જન્મ સાર્થક , અને હું પણ કંઈક  છું , એવો આભાસ ,એવી પ્રતીતિ થઇ મને ! મારા જીવનની હર ઘડી ,હર ક્ષણ  પ્રત્યેક પલ મહામુલી છે એવું મને લાગ્યું કોઈ કિંમતી  વસ્તુની જેમ  મારે એને સાચવવાની છે  અને  યોગ્ય સમયે જ તે વાપરવાની છે !        ભૂતકાળની કોઈક યાદગાર ક્ષણોને યાદ કરી         મારે ખુશ થવાનું છે         કોઈ ગર્વ લેવા જેવી વાત બહાર નથી પડવાની ,        પણ         મનમાં ઢબૂરી રાખવાની છે         કોઈ સારું કાર્ય કર્યાની  ગાથા ગાવા કરતા         તેને મનમાં સંઘરી રાખવાની છે         અને-----       મારા ભવિષ્યને મારે ઉજ્જવળ બનાવવાનો છે.......!      

ઓ કવિતા ,હું તને  ચાહું છું , ખુબ જ ,દિલોજાનથી ! તું મને ખુબ ગમે છે મને લાગે છે જાણે તું મારા રોમેરોમમાં સમાઈ ગઈ છે મારો તારા પ્રત્યેનો પ્રેમ અતિ ઉત્કટ છે        જયારે જયારે હું ઉદાસ હોઉં છું ત્યારે ત્યારે ,        તારી યાદ મને અત્યંત રોમાંચકારી બનાવી દે છે        તારો સંગ, તારું અચાનક જ થયેલું આગમન        મને ખુબ ગમે છે -પુલકિત કરે છે તું જયારે જયારે મારી પાસે આવે છે ત્યારે મને બેહદ ખુશી થાય છે કિન્તુ લોકો સમક્ષ તને પ્રગટ કરતા હું  અચકાઉ છું કારણ તું મારી પાસે કદી વ્યવસ્થિત  રીતે ગોઠવાઈને  આવતી જ નથી       પણ છતાંયે       મારા મનમાં ઊંડે ઊંડે ખુશી છે       કવિતા નો અનેરો આનંદ માણવાનો ,       તેના સંગમાં રહેવાનો  લ્હાવો       કોઈક જ  લઇ શકે છે તારા કારણે  હું ભાગ્યશાળીઓમાં ગણાઇ તારી આભારી છું ,ખુબ---- કવિતા !!!

 કદાચ  હું ભૂલી જાઉં ઉપકાર કોઈનો , યાદ તું સદા કરાવજે !       કદાચ હું સફળતા પ્રાપ્ત કરી લઉં ,       તો અભિમાન ન કરવાની શક્તિ તું જ મને આપજે પ્રભુ  ! કદાચ મારી ઈચ્છા મુજબ હું પ્રાપ્ત ન કરી શકું તો હું નિરાશ ન થાઉં  એવું મન મને આપજે       કદાચ હું જીવન માં સંઘર્ષ કરતા હારી જાઉં       તો હારનો અનુભવ મને ન થવા દેજે પ્રભુ કદાચ મૃત્યુ મારી સામે આવે , તો હું ભયભીત ન થાઉં એટલી શક્તિ મને આપજે ,  મારા પ્રભુ !!!

એક વાર મેં જરા ધ્યાન થી અરીસો જોયો જેમાં મને દેખાયો ----- એક મારો ચહેરો અને મારા ચહેરા પર નજર નહીં  આવતી કેટલીક નાની મોટી નબળાઈઓ , અમુક ગુણોની કમી !     જેમ કે આત્મવિશ્વાસ ,સજ્જનતા અને     મહાનતાનો અભાવ     દુર્વિચાર ,અહંકાર અભિમાનનો આવિર્ભાવ ! એક વાર મેં જરા ધ્યાનથી અરીસો જોયો -----   

ક્યારેક તો વિચારું છું કે, છોડી દઉં આ દુનિયાને --- મહાવીર ,બુદ્ધ અને ઈશુ જેવી મહાન  હું પણ બની જઉં  પણ એ ખુબ મુશ્કેલ છે  કારણ --- સત્ય ના માર્ગે કાંટા હોય  છે  કાંટા થી હું ડરતી નથી  હું તો ડરું  છું  આ  દુનિયાથી , દુનિયાના રિવાજોથી ,ખોટા વિચારોથી !       મારે કંઈક  કરવું છે        સિકંદર ની જેમ અતિ મહત્વાકાંક્ષા નથી રાખવી       મુંગેરીલાલ ની  જેમ હસીન સપના નથી જોવા   મારે કંઈક  કરવું જ છે !!!

હું ક્યારેક  કંઈક  ના બની જઉં તારા આ ઉપકારને લીધે ----    તારા ગુણોની પ્રશંસા કરવા     તારો ઈતિહાસ લોકો ને જણાવવા     તારી કલાને વધુ  વિકસાવવા     તારા જેવી પ્રેમરૂપી ભવ્ય મૂર્તિને     વધુ ને વધુ ઉંચી બનાવવા હું ક્યારેક  કંઈક  ના બની જઉં , તારા આ ઉપકારને લીધે !!!

પરીક્ષા પૂરી થઇ , હાશ એક ચિંતા ગઈ કોણ જાણે કેમ મુજને આવે છે કંટાળો શું કરું ?શું કરું ?આવ્યો એક વિચાર ! ટાઈપીંગ ,સીવણ જેવા બીજા ક્લાસ કરું તો ? વ્યર્થ ?કોણ શીખવશે મુજને ?      એકદા  એકવાર પેપર  વાચ્યું મેં  સહજ જ      લખ્યું હતું તેમાં અનેક પ્રકારના  ક્લાસ કરાવશું      ખુશી થી ઝૂમી ઉઠી       ચિંતા પણ દુર થઇ મારી !