'પ્રકૃતિ પ્રેમ'

મને પ્રેમ થઇ ગયો છે આ પ્રકૃતિ સાથે ,

પ્રકૃતિ ની પ્રત્યેક વસ્તુ સાથે !

     મને ખુબ ગમે છે આ નદી ,ઝરણા ,તળાવો ને  પહાડો 

      નીલરંગી આસમાનને નિહાળવાનું ,

      અહીંતહીં ટહેલવાનું અને પ્રકૃતિ ના સૌન્દર્યનો આસ્વાદ માણવાનું 

      મને જાણે 'ગળથૂથી 'માંથી જ વરદાન મળ્યું છે

મને ખુબ ગમે છે રંગબેરંગી ફુલો , 

ગુલાબ,મોગરો ,જાઇ  ,જુઈ ને ચંપો ---

તેમના સ્પર્શથી હું અનેરો આનંદ  અનુભવું છું  ,

તેમની સુવાસથી જાણે હું પણ મહેકી ઉઠું છું !

લીલાછમ વૃક્ષોને જોઇને મારું હૈયું હાથ નથી રહેતું 

તેમની શીતળ  છાયામાં મન મારું હરખાય છે ---

      મને ખુબ ગમે છે અહીંના  માનવો ,

     પ્રત્યેક માનવ સાથે મારે મૈત્રી કરાર કરવા છે 

      નાના શિશુઓને જોઇને મને બાળપણ યાદ આવે છે ,

      તેમની નિર્દોષતા જોઈ તેમને ચૂમવાનું મન કરે છે। 

      પશુ -પક્ષીઓ ના તો ચિત્રો દોરવાનું મન થાય છે ,

      એ નજારાને મારી નજરો માં કેદ કરવાની ઈચ્છા થાય છે

      હું પ્રકૃતિ ની પૂજારણ છું ,મને પ્રેમ છે આ પ્રકૃતિથી !

મને ખુબ ગમે છે લોકો સાથે ભળવાનું ,

હળવું મળવું સાથે સાથે જ ફરવાનું ,

સહુના જીવન માં ખુશી ફેલાવવાનું 

મને અત્યંત ગમે છે 

     મને પ્રેમ થઇ ગયો છે આ પ્રકૃતિ સાથે ,

      પ્રકૃતિની પ્રત્યેક વસ્તુ સાથે -----!