Tuesday, 26 February 2013

'નારી'

એક નારી શ્વાસ લેવા માંગે છે
પોતાને સમય આપવા માંગે છે
      જીવન એનું પોતાનું છે છતાં ,
      જીવવાનું બીજા માટે છે  .
      સમય એનો પોતાનો છે છતાં,
      ખર્ચવાનો  બીજા માટે છે
     'ઘર ' તો બધાનું છે પણ
     'સંભાળવાનું ' તો એને  જ છે  !
      દરેકના કામોને પોતાના સમજીને
      પોતાની જાતને ભુલાવવાનું છે
      બધા માટે એને  ઘસાવવાનું  જ છે
સમય નથી એની  પાસે ,
પોતાના શોખ પુરા કરવા
ખુદ ને નિહારવા ,
આત્મવિશ્લેષણ કરવા  !
મન પ્રમાણે જીવવા એની  પાસે સમય છે ?
      એને  તો ફક્ત એક ઘડિયાળ બનીને જીવવાનું છે
      જેને સતત અટક્યા વગર ચાલતા જ રહેવાનું છે
      જીવન ના દરેક પડકારને  ખુશીથી ,વગર ફરિયાદે ,
       ઝીલતા જ રહેવાનું  છે !
       વિચારું છું ,
      આપના દેશમાં નારી માટે પણ 'લોકશાહી' ક્રાંતિ લાવશે ?

Post a Comment